အေးမြစိမ်းစိုနေတဲ့ မိုးရာသီရဲ့ တစ်ဖက်မှာတော့ စွတ်စိုနေတဲ့ ရေအိုင်တွေ၊ သစ်ရွက်ခြောက်တွေကြားမှာ ကလေးငယ်တွေအတွက် အလွန်အန္တရာယ်များတဲ့ အေးဒီးစ်ခြင်တွေ အလုံးအရင်းနဲ့ ပေါက်ဖွားလာတတ်ပါတယ်။ ကလေးငယ်များ သွေးလွန်တုပ်ကွေးရောဂါမှ ကင်းဝေးစေရန် မိဘများအနေဖြင့် အောက်ပါအချက်များကို အတူတူ ဂရုစိုက်ကြရအောင်။
၁။ “ဖုံး၊ သွန်၊ လဲ၊ စစ်” ဖြင့် ခြင်အန္တရာယ် ကာကွယ်ပါ
ဖုံး: ရေစည်နှင့် ရေအိုးများကို လုံခြုံစွာ ဖုံးအုပ်ပါ။
သွန်: အိမ်ပတ်ဝန်းကျင်ရှိ ရေတင်ကျန်နိုင်သော ခွက်ဟောင်း၊ တာယာဟောင်းများမှ ရေကို သွန်ပစ်ပါ။
လဲ: ဘုရားပန်းအိုးနှင့် သောက်ရေအိုးများကို တစ်ပတ် (၂) ကြိမ် ရေလဲပေးပါ။
စစ်: ပိုးလောက်လန်း ရှိ၊ မရှိ စစ်ဆေးပြီး အဘိတ် (Abate) ဆေးခတ်ပါ။
၂။ ခြင်ကိုက်မခံရအောင် နေထိုင်ပါ
အေးဒီးစ်ခြင်သည် နေ့ခင်းဘက်တွင် ပိုမိုကိုက်တတ်သဖြင့် နေ့ခင်းဘက် အိပ်စက်လျှင်လည်း ခြင်ထောင်ဖြင့်သာ အိပ်စက်စေရပါမယ်။
ကလေးငယ်များ အပြင်ထွက်သည့်အခါ လုံခြုံစိတ်ချရသော လက်ရှည်၊ ဘောင်းဘီရှည် ဝတ်ဆင်ပေးပါ။
ကျန်းမာရေးသည် ကြိုတင်ပြင်ဆင်မှုမှ စတင်ခြင်းပါ။
ရောဂါဘယဆိုတာ ဖြစ်မလာခင် ကြိုတင်ကာကွယ်ရမှာပေမဲ့… တကယ်လို့ ဖြစ်လာခဲ့ရင်လည်း အကောင်းဆုံး ကုသပေးနိုင်ဖို့ GGI Nippon Life ရဲ့ ကျန်းမာရေးအာမခံ အစီအစဥ်တွေကို ကြိုတင်ဝယ်ယူထားရင်း ကိုယ့်ရဲ့ ရင်သွေးငယ်နဲ့ မိသားစုဘဝလေးကို လုံခြုံချမ်းမြေ့အောင် ကာကွယ်စောင့်ရှောက်ပေးလိုက်ပါ။ 💙
